السلام عليكم
يعنى ايه كلمه وطن
طبعا انا مش قصدي اغنيه محمد فؤاد
بجد
انا النهاردة حاولت افكر يعنى ايه وطني
طب لو قلنا الوطن هو الاهل والجيران طب يعنى انا لو عزلت لمنطقه غير منطقتنى او غيرنا البيت يبقي ممكن اعمل جيران جدد
هي كدة زي لو خرجت برة حدود الدوله خالص منا هعمل جيران جدد
طب لو قلنا الوطن هو المعالم و(النيل بقي والاهرامات)
طب مامعظم المصريين مبيرحوش الاماكن دي وبيكتفوا انهم يشوفوا الصور بتاعتها بس
طب اسافر برة وابقي اجيب الصور هل كدة انا لسه في الوطن؟
خلاص ياعمنا خليها وطنك هو المكان اللي في عاداتك وتقاليدك
طب منا لما بتحرك بتحرك بعاداتى وتقاليدي مهي جوايا
مممممممممممم
طب لو الوطن الناس اللي بيتكاموا لغتك
ييييييييييه في بلاد كتتتير بتتكلم عربي دا انا عندي اوطان كتتتتتتتتير
خلاص تعبت ممكن حد يعرفنى يعنى ايه وطن ولو خرجت برة الحدود المصريه ايه الاختلاف
🙁
قبل 4 أعوام
6 التعليقات:
السلام عليكم و رحمة الله و بركاته
الوطن هو اجتماع كل حاجه انتى قلتيها
انك تكونى فى بلدك مع ناس بتحبيهم و عادات بتجمعكم
لما تحسى ان الناس فرحانين او زعلانين زى بعض يبقى ده وطن
لما تلاقى حبايبك و اصحابك حواليك يبقى ده وطن
لما تلاقى الشعب و الحكومه مع بعض ايد واحده يبقى ده وطن
الوطن هو حضارة اهل بلدك
هو اللى تحسى انه زى الدم بيجرى فى عروقكم كلكم
الوطن دى كلمه محدش يقدر يوصفها
الوطن هو الأهل و الأصحاب و الجيران و الأحباب و المكان اللى بيجمعنا و كل حاجه فى حياتنا
الوطن هو المكان اللى تحسي بالانتماء إليه
مش بالجنسبة ولا بالمكان والجيران ولا الاثار والمعالم ولا التقاليد ولا اي حاجة .
الوطن هو المكان اللى نحسي بالانتماء إليه
في ناس بتحس انها بتنتمي للأهلي او الزمالك ويولع المنتخب المصري المهم الفريق
دا وطنهم هوا النادي دا
في ناس بتتولد في بلادها الاصلية بس بتسافر في وقت ما مع اهلها ف مكان ودولة تانيه فيحسوا بالانتماء للدولة التانية اكتر من بلدهم الاساسي اللى ف الباسبور والبطاقة
في ناس ما بيكونش عندها انتماء لأماكن وانتماءها الوحيد لنفسها وبس واللى اكسب بيه العب بيه ودول ملهمش اوطان
في ناس بتنتمي لمحافظات بس وبتنحاز إليها اوي دونا عن الدولة فبتكون محافظاتهم هي اوطانهم
في ناس بتنتمي للامة العربية فـ وطنها بيكون الوطن العربي
في ناس بتحس بالولاء للعالم الاسلامي ككل ف بيكون دا وطنها
في ناس بتحس بالانتماء لكوكب الارض فبيكون هو وطنها
وفي ناس بيحسوا بالانتماء لبلدهم ، بدون اسباب معينه محددة
الوطن اللى قال عنه جاهين ...
قالوا ابن ادم روح وبدنه كفن
قالوا لأ بدن ، قالوا لأ روح في بدن
رفرف فؤادي مع الرايات ف الهوا
أنا قولت لأ ، روح في بدن في وطن
عجبي !!
عجبي وعجب عمنا جاهين وعجبنا كلنا كمان
سوري طولت
سلاماتي
انا شايف ان تعريف الوطن دا تعريف نسبي
يعنى كل واحد يحدد وطنه اللى هو بيرتاح فيه
سواء مادى او معنوى
ومتشغليش بالك يعنى
وطنك هو حاسبات الزقازيق :P
عن تجربة
وطني أي مكان روحي بتترد ليا لما برجعله
والأغنية لو برده سمعناها هتلاقوها قريبة اوي من كل الكلام ده
@روان
تسلمي ياقمرايه علي ردك وتشريفك
@che
عندك حق فعلا الكلام نايس جدا
@a7mad
حرام عليك الوطن هفضل فيه علي طووول انت عايزنى مخرجش من حاسبات ولاايه
نورت ياهندسه
ههههه
@حلمييييييي
تصدق لو قلت لك كنت متوقعه الرد دا منك
@ALL
ربنا يخليكم وفعلاانا اتضحت ليا الرؤيه ونورتم ونجامل كل واحد في بلوجه عن قريب ههههههههXD
ههههههههههههههههههه
اصدق .. مصدقش ليه
احنا مبنجاملش ولا ايه يا رجالة ؟؟
وانا معنديش بلوج وعايز مثاثة
هع هع
ربنا يوفقكوووووووووووا
إرسال تعليق